ڤیستیڤاڵی بەهای خێرخوازی


بەبۆنەی یادی دامەزراندنی سی و یەكەمین ساڵرۆژی دامەزراندنی رابیتەی خێرخوازی ئیسلامی كورد، بەئامادەبوونی پرۆفیسۆر د عەلی قەرەداغی سەرۆكی رێكخراوی رابیتەو د. هەڤاڵ ئەبوبەكر پارێزگاری سلێمانی و دەستەی دامەزرێنەرانی رابیتە و سەرۆكی دەستەی باڵاو لێپرسراوی لقەكانی و ژمارەیەك لە زانایانی ئاینی و رۆشنبیران و هونەرمەندان و چین و توێژە جیاوازەكان، رۆژی دووشەممە 15/4/2019 ڤیستیڤاڵی بەهای خێرخوازی لەتەلاری هونەر لە سلێمانی بەرێوەچوو. ڤیستیڤاڵەكە بە خوێندنی چەند ئایەتێك لە قورئانی پیرۆز دەستی پێكرد، پاشان وتاری بەخێرهاتن و راپۆرتی چالاكیەكانی 31 ساڵی رابیتەی خێرخوازی لەلایەن حسین نەجمەدین سەرۆكی دەستەی كارگێری باڵا پێشكەشكرا، پاشان وتەی پارێزگاری سلێمانی لەلایەن د.هەڤاڵ و وتەی د.عەلی قەرەداغی لەسەر هەل و مەرج و پێویستی دامەزراندنی رابیتە لە ساڵی 1988 پێشكەشكرا. دواتر ڤیستیڤاڵەكە بەچەند گۆرانیەكی هونەرمەندی عیرفانی رۆژهەڵاتی كوردستان پەیامی عەزیزی رازێنرایەوە.
پاشان خەڵاتی رێزلێنان پەخشرا بە دەستەی دامەزرێنەران و بەرپرسی لقەكانی رابیتە لە رابردوودا،هەروەها خەڵاتی تایبەت بە كاروانی سەروەرانی رابیتە ئەوانەی كۆچیان كردەوە گەراونەتەوە بەردەرگای رەحەتی خودا، وە خەڵاتی باشترین لقی رابیتە بەخشرا بە جەمال مەحمود وەك لێپرسراوی لقی سلێمانی.
لە كۆتایشدا ڤیستیڤاڵەكە پێشانگایەكی دەسترەنگینی خانمان بەسەرپەرشتی شنۆ ئەحمەد سەرپەرشتیاری بەشی خوشكان لەرابیتە كرایەوە كە تیایدا چەندین جۆری كاری دەستی جوانكاری و خواردن و شیرنی و بەرهەمی كوردەواری بۆ ئامادەبوان خرانەروو.





















دواتر
« Prev Post
پێشتر
Next Post »
سوپاس بۆ كومێنته‌كه‌ت