لقی گه‌رمیانی ڕابیته‌ی ئیسلامی كورد به‌شداری كرد له‌ كۆنفرانسێك له‌ شاری ده‌ربه‌ندیخان


به‌رواری 15/4/2018 له‌ سه‌ر بانگهێشت نامه‌ی بۆردی داكۆكیكردن له‌ ماف و به‌رژه‌وه‌ندیه‌كانی خه‌ڵك به‌ نوێنه‌ری به‌ڕێز به‌ڕێوه‌به‌ری لقی گه‌رمیانی ڕابیته‌ی ئیسلامی كورد به‌شداریمان كرد له‌ كۆنفرانسی بۆردی ناوبراو له‌ ژێر ناونیشانی  ( ده‌ربه‌ندیخان له‌ نێوان مافی هاوڵاتی و به‌ڵێنه‌كانی حكومه‌ت ) دا له‌ هۆڵی ( لیسا كافی – سپۆرت سه‌نته‌ر ) ی شاری ده‌ربه‌ندیخان. ئێمه‌ له‌ لقی گه‌رمیانی ڕابیته‌ی ئیسلامی كورد پاش سوپاس كردنی بۆردی ناوبراو به‌ پێویستی ئه‌زانین لێره‌دا زۆر سوپاسی ئه‌و لێپرسراوانه‌ی فه‌رمانگه‌كان بكه‌ین به‌ تایبه‌ت  به‌ڕێز قائیمقامی ده‌ربه‌ندیخان و لیژنه‌ی ڕێكخه‌ری كۆنفرانسه‌كه‌ و لیپرسراوی فه‌رمانگه‌ی ئاوی ده‌ربه‌ندیخان كه‌ به‌ ڕاشكاوانه‌ و ئه‌رێنی خزمه‌ته‌كانی ڕابیته‌ی ئیسلامی كوردیان هه‌ڵسه‌نگاند له‌ خزمه‌ت خه‌ڵكی شاری ده‌ربه‌ندیخان له‌ كاره‌ساتی زه‌مین له‌رزه‌ی ( 12/11/2017 ). شایانی باسه‌ ئێمه‌ له‌ لقی گه‌رمیانی ڕابیته‌ی ئیسلامی كورد به‌شداریمان كرد له‌ خزمه‌ت كردنی خه‌ڵك و فه‌رمانگه‌ خزمه‌تگوزاریه‌كان له‌ زه‌مین له‌رزه‌كه‌ به‌م جۆره‌:
1- ( 800 ) پاكێجی خواردن دابه‌شكرا به‌ سه‌ر دانیشتوانی شاری ده‌ربه‌ندیخان و ناحیه‌ی به‌مۆ دا.
2- دابه‌شكردنی ( 250 ) خێمه‌ی جۆراو جۆر به‌ سه‌ر كۆڵان و خه‌ڵكان و دانیشتوانی زیان لێكه‌وتوانی گونده‌كانی ده‌وروبه‌ری ده‌ربه‌ندیخان.
3- كڕینی په‌مپێكی ئاوهه‌ڵدان بۆ فه‌رمانگه‌ی ئاوی شاری ده‌ربه‌ندیخان.
له‌ كۆتایدا سوپاسی سه‌رجه‌م ئه‌و ڕێكخراوه‌ خێرخوازانه‌ ده‌كه‌ین كه‌ هاوكارمان بوون له‌ سه‌رخستنی ئه‌م خزمه‌ته‌دا.







دواتر
« Prev Post
پێشتر
Next Post »
سوپاس بۆ كومێنته‌كه‌ت