تێچوەكەی نزیكەی 38 ملیۆن دینارە: لقی سلێمانی رابیتە خانویەك بۆ ماڵێكی نازدار دەكرێت


یەكێك لە پرۆژەكانی رابیتەی ئیسلامی كورد دابینكردنی شوێنی نیشتەجێبونە بۆ خێزانە بێباوكەكان، دوای ئەوەی ساڵی پار دووخانوی تر بۆ دوو ماڵی بێباوك لە گەرەكی هوانە و بەكرەجۆ كری، ئەم ساڵیش بەهاوكاری خێرخوازان خانویەكی لەگەرەكی هوانەی شاری سلێمانی بۆ ماڵێكی نازدار كری، خانوەكە 120مەترەو تێچوی خانوەكە نزیكەی 37500 سی و حەوتملیۆن و پێنجسەد هەزار دیناری عێراقی یە. وەفدێكی لقی سلێمانی رابیتە و لە مەراسیمێكدا دەرگای خانوەكەیان كردەوەو كلیلی خانوەكەیان تەسلیم بە دایكی مناڵە نازدارەكە كرد كە خاوەنی كورو كچێكە. دایكی نازدارەكە كە سەرپەرشتیاری خێزانە خۆشحاڵی خۆی بە فرمێسكی شادی دەربری و بەدەم گریانەوە باسی رابردوی كردو ئاماژەی بەوە دەدا كە لە كرێچێتیدا باری ژیانیان زۆر خراپ بوەو ئێستا خۆشحاڵە لە خانوی خۆیدایەو لەمەو دوا كرێی مانگانە نادات.










دواتر
« Prev Post
پێشتر
Next Post »
سوپاس بۆ كومێنته‌كه‌ت