رابیتەی ئیسلامی كورد جل و پێداویستی زستانه‌ پێشكەش بە پێشمەرگەكانی نیشتیمان دەكات

رابیتەی ئیسلامی كورد بە هاوكاری رێكخراوی نەمارق وەك كاری هەمیشەیی و خزمەت بە رۆلەكانی نیشتیمان ، ئەمجارەش رابیتە جل و پێداویستی زستانە پێشكەش بە قارەمانەكانی نیشتیمان دەكات.

شێخ جەعفەر شێخ موستەفا لێپرسراوی هێزەكانی (70) زۆر بە گەرمی پێشوازی لە رابیتەی ئیسلامی كوردی خێرخوازی كرد و سوپاسی هەوڵەكانی رابیتەی ئیسلامی كوردی كرد بەردەوام پشتیوانی هێزەكانی پێشمەرگە بوون سوپاسی هەڵوێستەكانی د.عەلی قەرەداغی سەرۆكی رابیتەی ئیسلامی كوردی كرد كە هەمیشە بە پاڵپشتی هێزەكانی پێشمەرگە بوون.

ئەندازیار حسێن نەجمەدین رەسول سەرۆكی دەستەی كارگێری باڵای رابیتەی ئیسلامی كوردی خێرخوازی بەڵێنی دوپات كردەوە كە رابیتە بەردەوام هاوكاری پێشمەرگە و هێزەكانی پارستنی گەل و نیشتیمان دەكات و هەمیشە بە ئەركی خۆی زانیوە لەپاڵ خزمەتەكانی تری بۆ چینەكانی تری كوردستان خانەوادەی شەهیدان و پێشمەرگە قارەمانەكان لە ریزی پێشەوەی خزمەتەكانی رابیتەی ئیسلامی كورد بن.

شایەنی باسە رابیتەی ئیسلامی كوردی خێرخوازی بەردەوام لە سات و كاتی جیاوازدا هاوكاری و پێداویستی گەیاندۆتە ریزی پێشەوەی بەرەكانی جەنگ و هاوكاری خانەوادەی شەهیدان و پێشمەرگە قارەمانەكانی كردووە.
















دواتر
« Prev Post
پێشتر
Next Post »
سوپاس بۆ كومێنته‌كه‌ت