دكتۆرعەلی قەرەداغی مزگەوتی كەمپی ئاوارەكانی سوریای كردەوە


كاتژمێر 4ی دوانیوەرۆی 10-2-2016 دكتۆر عەلی قەرەداغی سەرۆكی رابیتەی ئیسلامی كورد و حسین نجم الدین سەرۆكی دەستەی كارگێری باڵای رابیتەو چەند ئەندام لقێكی رابیتە بەئامادەبوونی نوێنەری ئەوقاف و كاروباری ئاینی و رێبین عمر محمود بەرێوەبەری ناحیەی عەربەت و حاكم هۆشیار بەرێوەبەری پێشوی ناحیەی عەربەت چەند كەسایەتیەكی تری حیزبی و حكومی، مزگەوتی (محمد رسول الله) لە كەمپی باریكە كە ناسراوە بە كەمپی ئاوارەكانی سوریا كرایەوە. لە رێورەسمەكەدا و لە وتەیەكدا دكتۆر عەلی قەرەداغی باسی لە رۆڵ گرنگی مزگەت كرد لەژیانی كۆمەڵایەتی و سیاسی و گەشەپێداندا، هەروەها هیواشی خواست ئاوارەكانی سوریا بگەرێنەوە شوێنی خۆیان لەدۆخێكی ئاسایشدا.
هەروەها حسین نجم الدین سەرۆكی دەستەی كارگێری باڵای رابیتە لە وتەیەكدا ئاماژەی بەكارو چالاكیەكانی رابیتە كرد لەماوەی ساڵانی رابردوودا لەبواری ئاوەدانكردنەوەو فریا گوزاری و خزمەتی ئاوارەكاندا.
مزگەوتی (محمد رسول الله) لەلایەن رابیتەی ئیسلامی كورد لقی سلێمانیەوە بەهاوكاری خێرخوازێك دەست بەدروستكردنی كرا و ماوەی ساڵێكی خایاند، بڕی (149.760.000) سەدو چل و یەك ملیۆن دیناری عێراقی تێچوەو (214) یەمین پرۆژەی لقی سلێمانی رابیتەی ئیسلامی كوردە لە كۆی 1263پرۆژە بەسەرجەم لقەكانی رابیتەوە.














دواتر
« Prev Post
پێشتر
Next Post »
سوپاس بۆ كومێنته‌كه‌ت