پڕۆفیسۆر دكتۆر عەلی قەرەداغی (25%) كرێ خوێندن بۆ خوێندكارانی زانكۆی گەشەپێدانی مرۆیی كەم دەكاتەوە


پرۆفیسۆر دكتۆر عەلی قەرەداغی سەرۆكی ئەنجومەنی ئەمیندارێـتی زانكۆی گەشەپێدانی مرۆیی لەكۆنگرەیەكی رۆژنامەنوسیدا كەژمارەیەكی زۆر لە دەزگاكانی راگەیاندن ئامادەبوون، بڕیاریدا كەرێژەی (25%)ی كۆی پارەی كرێ خوێندنی ئەمساڵی زانكۆی گەشەپێدانی مرۆیی كەم بكاتەوە.
هەروەها رایگەیاند لەگەڵ سەرمایەدارانی كوردستان بڕیارە سندوقێكی كۆمەكی دابمەزرێنن بۆ هاوكاری قوتابیانی ماستەرو دكتۆرا كە لەدەرەوەی وڵات دەخوێنن. هەتا بتوانن درێژە بەخوێندنەكانیان بدەن.
لە تەوەرێكی تری كۆنگرەكەدا پ.د.عەلی قەرەداغی تیشكی خستەی سەر كار و پرۆژەكانی رابیتەی ئیسلامی كورد و پرۆژەكانی ساڵی 2015 و پلانی 2016 كە رابیتەی ئیسلامی كورد لە ساڵی 2015ی پڕ لە قەیراندا توانی بڕی (7.334.775.000) دینار لە پرۆژەكانیدا خەرج بكات كە زۆرترین بری خەرجكراو و خزمەت لە بەشی چاودێری كۆمەڵایەتی و نازداراندا خەرجكردووە.
هەر لەدرێژەی كۆنگرە رۆژنامەنوسیەكەدا باسی لەوەكرد كەبەنیازن پڕۆژەیەكی چاكسازی بدەن بەحكومەت بەمەبەستی چارەسەركردنی ئەو قەیرانەی كەئێستا رووبەرووی  هەرێمی كوردستان بوەتەوە.





دواتر
« Prev Post
پێشتر
Next Post »
سوپاس بۆ كومێنته‌كه‌ت