چالاكیه‌كانی رابیته‌ی ئیسلامی كورد له‌ مانگی پیرۆزی ڕه‌مه‌زاندا.




رابیتەی ئیسلامی كورد هەموو ساڵێك لە گەڵ هاتنی مانگی پیرۆزی ڕەمەزاندا بەرنامە و پرۆژەی تایبەت بەو مانگەی دەبێت و بەردەوام هەوڵ دەدات لە خزمەت چین و توێژە جیاجیاكانی كۆمەڵگە و ئاوارەكاندا بێت .
لە مانگی پیرۆزی ڕەمەزاندا لقی سلێمانی رابیتەی ئیسلامی كورد توانی هاوكاری بگەیەنێتە 2246 خێزانی ئاوارەی سنوری پارێزگای سلێمانی كە هاوكارییەكان پێك هاتبوون لە ماددەی خۆراكی و پاره كە بە چەند شێوەیەكی جیاواز بەسەر ئەو ئاوارانەدا دابەش كران .
لە دێژەی كار و چالاكیەكانیدا هاوكاری ماددی و جەژنانەی گەیاندە 476 خێزانی نازداری سنوری پارێزگای سلێمانی .
لە پاڵ خزمەت كردنی ئاوارە و نازداراندا لقی سلێمانی رابیتەی ئیسلامی كورد لە چەندین ناوچەی جیاواز ئێوارە خوانی بۆ بەشێك لە مسوڵمانان ساز كرد كە بەشدار بوانی ئێوارە خوانەكان بریتی بوون لە (1465) كەس .
لە پرۆژە بەردەوامەكانی لقی سلێمانی رابیتەی ئیسلامی كورد لە كۆتای مانگی پیرۆزی ڕەمەزاندا و بەهۆی هاتنی جەژنەوە جەژنانەی بەسەر (خاوەن پێداویستیە تایبەتەكان ، نەخۆشەكانی نەخۆشخانەی هیوا ، نابینایان ، كچانی تەمەن دار ، كورتە باڵاكان ، نازحین و هەژاران ) ی سنوری پارێزگای سلێمانی دابەش كرد .
لای خۆیانەوە بەڕێوبەرایەتی لقی سلێمانی رابیتەی ئیسلامی كورد و دەستەی كارگێڕی و ئیداری و ستافی لیژنەكانی رابیتەی ئیسلامی كورد و سەرجەم كارمەندان ، خۆشحاڵی خۆیان بۆ كارەكانیان و ماند و نەبونیان دەربڕی كە لە مانگی پیرۆزی رەمەزاندا بە زمانی بەرۆژوەوە بە بێ ووچان لە خزمەت ئاوارە و هەژاران و نازداران و ئەو كەسانەدا بوون كە پێویستیان بە وان هەبوو ، بە ڵینیشیاندا بە بێ جیاوازی بەردەوام بن لە خزمەت كردن .
سود مەند بوانیش زۆر خۆشحاڵ بوون دوعا و دەست خۆشی خۆیان بۆ كار و چالاكی و پرۆژەكانی لقی سلێمانی رابیتەی ئیسلامی كورد دەر بڕی .


















دواتر
« Prev Post
پێشتر
Next Post »
سوپاس بۆ كومێنته‌كه‌ت