رابیته‌ی ئیسلامی کورد هاوکاری گه‌یانده‌ ٥٠٠ خێزانی ئاواره‌ی کوبانی له‌ ده‌ڤه‌ری راپه‌ڕین

ڕابیته‌ی ئیسلامی كورد به‌ هاوبه‌ش له‌ گه‌ڵ ڕێکخراوی به‌خته‌وه‌ری له‌ ٩ / ٣ / ٢٠١٥ هاوکاریان گه‌یانده‌ ( ٥٠٠ ) خێزانی ئاواره‌ی کوردانی کۆبانی له‌ سنوری ڕاپه‌ڕین .
جه‌مال مه‌حمود به‌ڕێوبه‌ری ڕابیته‌ی ئیسلامی كورد / لقی سلێمانی له‌ لێدوانێكیدا رایگەیاند” كۆمه‌كیه‌كان بریتی بوون لە پێداویستی خۆراكی بۆ ئەوان و پرۆژەكەش به‌هاوبه‌ش له‌گه‌ڵ ڕێكخراوی ( به‌خته‌وه‌ری ) جێبه‌جێكرا .
به‌ڕێوبه‌ری لقی سلێمانی ڕابیته‌ی ئیسلامی به‌ڵێنیشیدا به‌رده‌وام ‌بن له‌ گه‌یاندنی هاوكاری بۆ ئاواره‌كان  ڕویان له‌ هه‌رێمی كوردستان كردووه‌ و  ڕایگەیاند ئاوارەكان پێویستی زۆریان هەیە و داوا لە خێرخوازان دەكەین كە هەروەك چۆن هەمیشە هاوكاری ئێمە بوون بۆ گەیاندنی كۆمەكی و هاوكاری بە هەژاران و نەداران لێرەوە پێیان دەڵێن كە ئاوارەكان پێویستییەكی زۆریان هەیە و بۆیان فەراهەم نەكراوە پێویستە زیاتر بەدەمیانەوە بین .
 هاولاتییه‌کی کوبانی : ده‌ستتان خۆش بێت ئێوه‌ دێن ئه‌م خه‌ڵکه‌ ده‌بینن و له‌ ئازاره‌کانیان که‌م ده‌که‌نه‌وه‌ ئێمه‌تان دلخۆش کرد له‌ کاتێکدا ئاواتمان گه‌ڕانه‌وه‌مانه‌ بۆ زێدی باو باپیرانمان ، داعش هه‌رچه‌نده‌ ئێمه‌ی ئاواره‌ کرد به‌لام ئێمه‌ی ئاشنا کرد به‌ کوردانی باشوور ئه‌م سوده‌ی بۆ ئێمه‌ هه‌بوو .







دواتر
« Prev Post
پێشتر
Next Post »
سوپاس بۆ كومێنته‌كه‌ت